اهداء الى كل المهجرين
على الديره اتهمل دمعات العيون -------- ولا جار اليصير ومثل جاري
مُكانك بالغُرب لو چانت اقصور ------------ تحن للبيت لو چانت بواري
غريب انته تظل وتعيش مذلول ----------- وچثير من البشر طلعو ضواري
تدور بالشوارع تسكن الدوٌم -------------- واجارات السكن صارت تجاري
يسمونك مُهجر وين متروح --------------- وتظل للزاد مذلوله الجداري
عينك عاليجيك يجيب ماعون ---------- ولگمتك ما اظن بيها تماري
العسل حنظل يصير بطعم الحلوگ ---- اذا جابو الك للديره طاري
گبل اسمع مَثَل ياحَنةْ النوگ ---------- عرفت النوگ معذوره اثاري
على المُربى تحن وتشاهگ الروح ---- مثل حنت الشهيد اعلا الحواري
طفلك من يجيك يگلك انعود ------------ اظن مدك تصير انته انتحاري
تگله الله كريم وباچر اتهون ------------- وعلى اطفيلك تظم دمعك تداري
يدحگولك غريب وجاي لملوم ---------- السفن ما تنعرف لوما الصواري
چم واحد گليط بربعه معروف ---------- نصب خيمه وگعد يم المجاري
على بوب الجوامع ربعك اتشوف ------ هلك تالي العمر ذلو يساري
دحياس بالغرب ودتنه الضعون --------- علينا وضاگت اوساع البراري
هياكل لا سگف لاطرمه لابوب -------- عليهن بس سگف ربك يواري
ستر دنيه صحيح السمى البيوت ----- وتحس بيت الغُرب ستره يراري
يدار وهم تشوفچ بعد العيون ------- ولي كعبه صرت انته يداري
ليست هناك تعليقات:
إرسال تعليق