قصيدة / افديك حنجرتي ياوطني
ها يبن العراق العزمه ميلين
وليدي انت وعرفك زين ياحيد
يالناذر حياته وكل السنين
اذا نادا الوطن مايقبل يهيد
جا حكي افتخر ياسلوة العين
وصيح بعالي صوتي هنا يصنديد
وطنا بشاربك ويطلبك بدين
شيل اسلاح بيد وبيرغ بايد
وانه دريبك درع جاجيته
منين
عدونه وداعتك كل حجيه تهديد
يعرفكم نشامه زلام خشنين
وانتو العز وطنكم موتكم عيد
ايخسى اليدناك ها يانشمي يازين
وانت ويه النصر عندك مواعيد
اخوي وها هلا ياخوي
جنت انخاك يوم الضيج
اخوي ومابخلت بدم
جنت من تسمع بنخواي بسلاح الكرامه تكوم تتحزم
اخوي الشد على حزامه حزام الزين
وجابنه النصر خطار
وبجبينه النصر والله يتوسم
ابن العراق هذا الزين المجربة
جاب النصر لخته سوار بالمعصم
بقلم الاديبة الدكتورة
شذى آل معمر
شذى آل معمر
ليست هناك تعليقات:
إرسال تعليق