سلطانيات الأدب الثقافية :: قصيده / جرغد الحرات / بقلم الاديبة الدكتورة شذى ال معمر / العراق/

سلطانيات الأدب الثقافية  / شعر عامي /

ياضوه يخجل الشمس ياجلوة مرايات
ياحيل يردس ردس لوجلن العزمات
يابو الوفه والوفه منك اخذ روجات
يابحر ماينكحم بجندينا ابو الكلفات
من يوم شال العلم وقاد وتنخه وفات
كول وفعل مو حجي مزامط وجلة ذات
خمسين عام المضت اتسلسلت ثورات
ياسنة التاب العدو من الغدر والحرشات
يابوم بطل وغز لوبطل العظات
والشعب وانت تعرف ماوكفته العثرات
ياما بوسع البحر خاض الشعب عركات
وياما بثكل الجبل زاح الشعب ازمات
وبسم الله واسمك نهد اجبالهه بلحضات
وكلنه الهموم المضت صارن سويليفات
لاجن ابد معدلت ذيل الجلب كصبات
لسه يحوف الوطن ويلوف اله لوفات
يعراق دومك نجر نار أشعلت غابات
بكلوب اهل الغدر اشكد الك لجمات
جي انت راية مجد تخفك عله الثايات
تهلهلك ام الولد ياجرغد الحرات
ويصحي صوت العرب باسمك جثيره اصوات
جندينا انت الأمل والامه والثايات
بابخت كلمن على دربك زرع خطوات
يدور بصواني الفرح وتوهج الشمعات
كبرنا بمحبتك وابد ماننفطم هيهات
ياحامي سور واهل يمجمع الزينات
نبقى احنه نهتف الك ونجايد الشمات

الاديبة الدكتورة
شذى ال معمر