عسى النوم ماخذاك:
حطيت رحالي وتالي الليل صفيت
أنا وجوالي وعسى النوم ماخذاك
تعال اسمع مني كل حرف وبيت
رغم شغلي وظرفي ماغاب حلاك
يهم حالي وكلما ردت صوبك ونويت
رنة جوالي والهاتف والنت هي عداك
ريمتي هالساعة لدارها بطيفي مشيت
لأجل يتطمن قلبي عليها شبه الملاك
لولا نشاز صوتي لحنت قصيدة وغنيت
خذاني الوقت وانت مستني غلاك
ياللي أشغلتني لو انك علمت ودريت
الليل ليل الوصل ولاهو عمل الله هداك
أشعلت ناري وجهزت دلالي وصبيت
فنجان قهوتي وتراني واقف أستناك
هدي وتمهل ياقلب تراك ألهبت وشبيت
لابد خلي وخلك يسامر ويزيل معاناك
كتبت هالأبيات ولابعدت عنك وصديت
النبض فيها نبض قلبك وطيبها شذاك
سبحانك ربي وكرمك المشاعر عطيت
عبدك الضعيف والحمد لك ولعطاياك
راح أختم حرفي لأجل تدري ماعانيت
ياخلي وعسى يدوم الوصل لك ومعاك
@عزالدين الحميري@
ليست هناك تعليقات:
إرسال تعليق